Welcome to hindimoralstroy.com . Is post me hum ek nayi hindi story ke bare me padhenge. Ye Fox and Stork Story yani Lomri aur saras ki chaturai ki bahut hi mazedar hindi kahani hai.
To aaiye shuru karte hai is Swan and fox hindi moral story for kids ko. Ye bachho ki pasandida hindi kahani hai.
Bahut samay pahle ki baat hai. Ek bahut hi ghane jungle me ek lomri yani fox rahta tha. Wo lomri bahut hi chalak thi. Ek baar lomri ko kafi pyas lagi aur wo lomri jungle me pani ki talash karne lagi. Dhundhte dhundhte use ek pani ka talab dikhai diya. Wo lomri us talab me jakar pani pine lagi, tabhi usne talab ke kinare baithe ek saras yani stork ko dekha.
Lomri saras ke pass gayi aur jakar us saras se boli – mera koi dost nhi hai kya tum mere dost banoge? stork bhi akela tha. Isliye usne fox ki dosti ko swikaar liya. Dhire dhire lomri aur saras dono ki dosti bahut hi gahri hoti gayi. Koi bhi khana milta to wo dono aapas me baant kar khate the. Lekin lomri apni chalaki se hamesha jyada khana kha liya karti thi.
Ek baar ki baat hai. Chalak lomri ne saaras ko apne ghar par khir ki dawat par bulayi. Shaam ko jab khana ban gaya to lomri apni hosiyari dikhati hui ek bahut hi bari thali me saras ke samne khir paros diya. Saaras ki chonch to bahut hi lambi hoti hai aur lambi chonch hone ke karan wo saaras thali me rakhe khir ko sahi se kha nhi pa raha tha. Thali me rakhe khir ko lomri maze se kha rahi thi.
Kisi tarah thora bahut khane ke baad saaras ne lomri se kaha – Lomri bahan ! ab mera pet bhar gaya hai, ab mai apne ghar ko ja raha hun. Yah kahkar saaras bhukhe pet hi apne ghar ko chala gaya. Idhar lomri apne sath sath saaras ka bacha hua khana bhi kha ke bahut khus ho rahi thi. Kuchh din ke baad saaras ne lomri ko sabak sikhane ke liye apne ghar par dawat ke liye bulaya. Lomri saaras ke ghar gayi aur jab khana taiyar ho gaya to saaras ne ek lambi gardan wale surahi me lomri ke saamne khana paros diya. Lomri ke gardan ke uchhai chhoti hone ke karan surahi me uska muh ja hi nhi pa raha tha lekin saaras maje me khana kha raha tha. Kafi kosis karne ke baad bhi lomri surahi ke muh par lage ek do daana ko hi kha payi. Ab lomri samajh chuki thi ki jis tarah usne saaras ko apne ghar pe bula ke anayay ki thi ye usi ka badla hai.
Isiliye dosto, ye kaha gaya hai ki dosti me chalaki aur hosiyari utna hi karo jitne se dusre dost ko thesh ne pahuche ya uska bura asar na ho. Nhi to ek din dosti bhi tut jayegi aur pachhtana hi parega.
Ummid hai ye fox aur stork ki hindi kahani aap logo ko bahut hi achhi lagi hogi. Aisi hi aur mazedaar aur moral hindi kahani ke is website ko visit karte rahe. Thank You.
